Raisi Eýranyň üsti bilen gazyň geçirilişini artdyrandygy üçin Türkmenistana minnetdarlyk bildirdi
Eýranyň prezidenti Ebrahim Raisi golaýda ýurduň çäginiň üsti bilen gazyň geçirilişiniň göwrüminiň artdyrylandygy üçin Türkmenistana minnetdarlyk bildirdi. Bu barada ol Türkmenistanyň Halk Maslahatynyň Başlygy Gurbanguly Berdimuhamedowa Konstitusiýa we Döwlet baýdagynyň Güni mynasybetli iberen gutlagynda ýazdy – diýip, TDH habar berýär.
Mundan başga-da, Eýranyň döwlet baştutany Türkmenistana ýurduň iki dostlukly döwletiň arasyndaky özara gatnaşygy hemmetaraplaýyn ösdürmekdäki eýeleýän berk garaýyşy we erki üçin minnetdarlyk bildirdi, Aşgabadyň suw we energetika babatynda hyzmatdaşlygy ösdürmekdäki aýratyn goşandyny belledi.
Öz hatynda Raisi şeýle hem syýasy we ykdysady ugurlardaky hyzmatdaşlygyň dürli ugurlaryny ara alyp maslahatlaşmak üçin Gurbanguly Berdimuhamedowy Tährana gelip görmäge çagyrdy.
ORIENT habarlar
