GoChess akylly tagta düýbünden täze usulda küşt oýnamaga mümkinçilik berer
Elektron oýunlary işläp düzmek boýunça Ysraýylyň Particula startapy uzakda ýerleşýän bäsdeşler ýa-da emeli intellekt bilen oýnamak üçin GoChess atly «akylly» küşt tagtasyny hödürleýär.
GoChess çylşyrymly elektron düzümi bilen üpjün edilendir,ol küşt tagtasyny akylly robotlaşan gajete öwürýär.
Oýna başlamak üçin Bluetooth arkaly ýörite goşundyny birikdirmeli, şeýlelik bilen küşt onlaýn-platformalarynyň birinde hasaba alnan uzakdaky hyzmatdaş bilen aragatnaşygy ýola goýmaly.
Soňra birinji göçüm edilýär. Haçanda uzakdaky hyzmatdaş göçüm edende, hakyky tagtadaky küşt malyny tagtanyň aşagynda ýerleşen magnitli robot geçirýär.
GoChess bu oýna täze başlaýan küştçülere aýdyp berip bilýär. Meselem, haçanda nobatdaky göçümiň öňüsyrasynda küşt malyny eline alanda oýunçy onuň birnäçe wariantlaryny görýär, olar tagtada dürli şekiller görnüşinde yşykdoidyň ýagtylandyrmasy bilen görkezilýär, ol ýerde gyzyllar – küşt malynyň «iýiljekdigini», mämişi reňkler - esassyz töwekgelçiligiň bardygyny, ýaşyl reňk bolsa – iň oýlanyşykly warianty aňladýar.
Isleg bildirilende emeli intellekt bilen 32 çylşyrymlyk derejesindäki oýny oýnap bolýar. Ähli oýnalan döwler we olaryň netijeleri gurluşyň ýadynda saklanýar.
GoChess «akylly» tagtanyň satuwlarynyň başlanmagyna bir ýyldan garaşylýar.
