Türkmen Milli konserwatoriýasy "Çagalyk güni" konsertine çagyrýar
Maýa Kulyýewa adyndaky Türkmen milli konserwatoriýasynyň talyplary we mugallymlary tarapyndan taýýarlanan "Çagalyk güni" atly konsert 31-nji maýda Aşgabatda geçiriler. Aýdym-saz agşamy her ýyl 1-nji iýunda bütin dünýäde bellenilýän Çagalary goramagyň halkara gününe bagyşlanýar.
Baýramçylyk maksatnamasyna çagalar we ulular, şägirtler we halypalar, ýaş we tanymal artistler - Laçyn Hudaýberdiýewa, Bahram Dolyýew, Döwran Şammyýew, Ýelena Arakelýan, Ýekaterina Darçiýa, Tylla Saryýewa, Ramina Gadimi, Mähri Orazowa, Mansur Şaripow we başgalar gatnaşar. Konsertde Türkmen milli konserwatoriýasynyň mugallymlarynyň çagalary hem çykyş eder, olaryň konserwatoriýanyň sahnasynda çykyşlary eýýäm ajaýyp däbe öwrüldi.
Konsert programmasy tomaşaçylary özboluşlylygy we dürlüligi bilen begendirer. Sahnada türkmen we daşary ýurtly kompozitorlaryň çagalar üçin döreden aýdym-saz eserleri, şeýle hem körpeleriň söýgüsini gazanan multfilmlerden we kino eserlerinden kompozisiýalar ýerine ýetiriler.
Konsert 31-nji maýda sagat 18:00-da Türkmen milli konserwatoriýasynyň uly zalynda geçiriler. Giriş mugt.
ORIENT news
