HSM Merkezi Aziýa ýurtlary senetçileriniň önümlerini halkara bazarlaryna çykarýar
Halkara Söwda Merkezi, Ýewropa Bileleşiginiň goldawy bilen Merkezi Aziýanyň bäş ýurdundan kiçi telekeçilerine we senetçilerine NOVICA elektron söwda bazarynda önümlerini satmaga kömek edýär. Sanly bazar Gazagystanly, Gyrgyzystanly, Täjigistanly, Türkmenistanly we Özbegistanly el işi senetçileriniň halkara müşderilerine gönükdirilen täze satuw ýollaryna girmäge mümkinçilik döreder.
Los-Anželesde 1999-njy ýylda döredilen bu web sahypasy senetçilere elde ýasalan önümlerini dünýäniň müşderilerine satmaga mümkinçilik berýär. NOVICA-yň hyzmatdaşlary ÝUNISEF, Halkara söwda merkezi, USAID, dürli Amerikan YÖB-leridir.
NOVICA taslamalarynyň iň soňkylaryndan biri Ýüpek ýoly sebitiniň senetçileriniň hukuklaryny we mümkinçiliklerini giňeldýän Merkez (Artisan Empowerment Hub) we Merkezi Aziýadaky Artisans Connect onlaýn dükany boldy. Bu maksatnama, Bütindünýä söwda merkezi tarapyndan Ýewropa Bileleşiginiň maliýe goldawy bilen durmuşa geçirilýän Ready4Trade Merkezi Aziýa taslamasynyň çäginde senetçilik önümlerini onlaýn satmak bilen meşgullanýan kiçi kärhanalara goldaw bermekden ybarat.
Senetçileriniň hukuklaryny we mümkinçiliklerini giňeldýän Merkez, Ready4Trade taslamasyndan 40 senetçini saýlar, olary NOVICA-nyň onlaýn kanallarynda hasaba alar we önümlerini görkezmek, satmak, gaplamak we ekspress ugratmagyň ähli ugurlary bilen meşgullanar. Şeýle hem, NOVICA dükanyna we senetçiler üçin hususy elýeterli bolmadyk beýleki platformalara girmäge mümkinçilik berýär. Bular Amazon, Overstock we Wayfair-daky NOVICA söwda nokatlary.
Artisans Connect elektron söwda dükanynda dört ýyllyk taslamanyň çäginde elektron telekeçilik endiklerini we şahsy tälim alan senetçilerden we kompaniýalardan alnan önümler bar. Mysal üçin Türkmenistanda we Täjigistanda 50 senetçi we telekeçi bu ýurtlaryň elektron söwda ulgamlaryna uýgunlaşmak üçin goldaw aldy.
Bilermenleriň maglumatlaryna görä, dünýädäki senetçilik pudagy ägirt uly mümkinçilige eýe – 2022-nji ýylda bazaryň göwrümi 752,2 milliard dollar boldy. Merkezi Aziýada onlaýn kanallar arkaly satyş 2,5 million dollardan geçdi.
ORIENT news
