Türkmen türgenleriniň GDA ýurtlarynyň II Oýunlarynda haýsy görnüşlerde çykyş etjekdikleri belli boldy
Türkmen türgenleri 4-nji awgustdan 14-nji awgusta çenli boljak GDA ýurtlarynyň II Oýunlarynda birbada dokuz görnüşde ýurdumyza wekilçilik ederler.
Türkmenistanyň Bedenterbiýe we sport baradaky döwlet komitetinde ORIENT-e habar berişleri ýaly, Türkmenistanyň türgenleri sportyň agyr atletika, sambo, karate, dzýudo, sport göreşi, boks, ýeňil atletika, ýüzmek we taý boksy ýaly görnüşleri boýunça çykyş ederler.
Ýaryşlara alty müňden gowrak adamyň gatnaşmagyna garaşylýar, olardan 4000 türgen, olar sportyň 20 görnüşinde medallary gazanarlar, 900 tälimçi, 800 emin, 600 lukmançylyk işgäri we 200 wekiliýetleriň wekilleri gatnaşar.
Sportyň köp görnüşlerinde ýaş atletler sylaglar ugrunda göreşerler, uly türgenler çeper gimnastikada, plýaž futbolynda, samboda, agyr atletikada we otuň üstünde oýnalýan hokkeýde medallary gazanarlar.
Şu günki güne çenli Oýunlara gatnaşýandyklaryny: Türkmenistan, Azerbaýjan, Ermenistan, Gazagystan, Hytaý, Kuba, Gyrgyzystan, Liwan, Malaýziýa, Russiýa, Täjigistan, Özbegistan, Eýran, Müsür tassykladylar.
Şeýle hem Albaniýadan, Bahreýnden, Bolgariýadan, Braziliýadan we beýleki ýurtlardan bolan türgenleriň käbir görnüşlere gatnaşmaklaryna garaşylýar.
ORIENT habarlar
