BelTA: Belarus Ýewraziýa ykdysady birleşiginiň ýurtlarynda bilelikdäki kärhanalary döretmäge taýýar
Belarus Ýewraziýa ykdysady birleşiginiň ýurtlarynda bilelikdäki kärhanalary döretmäge taýýardyr. Bu barada BelTA Belarusyň senagat ministriniň orunbasary Aleksandr Ýefimowyň Moskwada geçen II Ýewraziýa ykdysady forumyndaky aýdan sözlerine salgylanyp, habar berýär.
«Belarus Ýewraziýa ykdysady birleşiginiň ol ýa-da beýleki ýurdunda bilelikdäki önümçiligi döretmek barada ýygy-ýygydan teklipleri alýar. Biz bu önümçilikleri döretmek isleýäris we önümçiligi döretmäge, ösdürmäge we gerimini giňeltmäge taýýardyrys» - diýip, ministriň orunbasary beýan etdi, birleşigiň agza-ýurtlaryny Ýewraziýa ykdysady birleşiginiň çäklerinde bilelikdäki senagat syýasatyny ýerine ýetirmekde işjeň gatnaşmaga çagyrdy.
Onuň aýtmagyna görä, Ýewraziýa ykdysady birleşiginiň içerki bazarynda zerur şertleriň döredilmegi tehnologiki özygtyýarlygyň esasyny we importa garaşsyz bolmagyň esasyny düzýän faktorlaryň biridir.
ORIENT habarlar
