Russiýanyň täze ilçisi Türkmenistanyň Prezidentine ynanç hatyny gowşurdy
Russiýanyň Türkmenistandaky täze ilçisi Iwan Wolynkin Prezident Serdar Berdimuhamedowa ynanç hatyny gowşurdy. Ilçi bilen söhbetdeşligiň barşynda Prezident iki ýurduň arasyndaky ikitaraplaýyn gatnaşyklarda oňyn ösüşi belledi – diýip, TDH habar berýär.
Häzirki wagtda türkmen-russiýa syýasy dialogynyň pugtalanýandygy, şol sanda iki ýurduň ministrlikleriniň we edaralarynyň arasyndaky göni gatnaşyklar, şeýle hem DIM-niň arasyndaky geňeşmeler arkaly hem pugtalandyrylýandygy nygtaldy.
Söwda-ykdysady ugur hyzmatdaşlygyň ileri tutulýan ugry diýlip atlandyryldy. Russiýanyň Türkmenistanyň esasy söwda hyzmatdaşlarynyň biri bolup durýandygy nygtaldy. RF-nyň sebitleri bilen netijeli hyzmatdaşlyk ýola goýlandyr.
Beýleki möhüm temalar medeni-ynsanperwer hyzmatdaşlygy, şeýle hem Hökümetara toparynyň işjeňligi boldy, onuň işi ykdysady we beýleki gatnaşyklary ösdürmäge we diwersifikasiýa etmäge gönükdirilendir.
ORIENT habarlar
