ABŞ-dan dünýäniň ähli döwletlerine aýlanyp çykan syýahatçy Türkmenistany iň gyzykly ýurt diýip atlandyrdy
Amerikaly Rendi Williams BMG tarapyndan ykrar edilen ähli 193 ýurda aýlanyp çykyp, bütindünýä gezelenjini tamamlady. Jahankeşde üçin syýahatyň soňky nokady Türkmenistan boldy.
«192 ýurdy göremsoň, men ähli ýeri gördüm we ähli zady duýdum diýip pikir etdim. Türkmenistan — iň gyzykly we ajaýyp ýurt. Türkmenistany bilmek — Türkmenistany söýmek diýmekdir. Men muny duýandygyma şat» – diýip, Rendi özüniň Instagramdaky sahypasynda ýazdy.
ABŞ-dan gelen myhman diňe bir türkmen paýtagtyna däl, eýsem ýurduň welaýatlarynda hem bolup gördi, ol ýerde ýerli ilatyň durmuşy we Türkmenistanyň taryhy ýadygärlikleri bilen tanyşdy.
«Bu ýurduň esasy gymmatlygy – bu onuň adamlarydyr. Olar bilen aýrylyşmak gussaly bolar» – diýip, ol boýun aldy.
Rendi William «Sunday Night» radioşou ýaýlymynda işleýär we köp ýyllardan bäri dünýä ýurtlary boýunça syýahat edýär. Ol iki kitabyň awtory bolmak bilen, dürli baýraklara mynasyp bolan doly metražly filmiň hem režissýorydyr. Rendi şeýle hem dürli seriallarda epizodik keşplerde oýnady.
ORIENT habarlar
