Gurbanguly Berdimuhamedow: Türkmenistan KazanForuma wekilçilikli wekiliýeti ugradar
Türkmenistan Kazanda boljak «Russiýa-Yslam dünýäsi: KazanForum» halkara ykdysady forumyna wekilçiikli wekiliýeti ugradar. Bu barada Türkmenistanyň Halk Maslahatynyň Başlygy Gurbanguly Berdimuhamedow Tatarystan Respublikasynyň baştutany Rustam Minnihanow bilen telefon söhbetdeşliginiň barşynda aýtdy – diýip, TR-nyň raisiniň saýtynda habar berilýär.
Wekiliýetiň düzüminde Türkmenistanyň senagat, ulag we gurluşyk pudaklarynyň ýolbaşçylary bolar. Şeýle hem KazanForum meýdançasynda ýurduň diwarlygyny gurnarlar.
Söhbetdeşler telefon arkaly forumyň meýdançasynda «Demirgazyk-Günorta» ýaly täze logistiki geçelgeleriň ösüş meseleleri boýunça tegelek stoluň gurnalmagynyň ähmiýetlidigini ara alyp maslahatlaşdylar.
Gurbanguly Berdimuhamedow we Rustam Minnihanow mundan beýläk-de dürli ugurlardaky ikitaraplaýyn gatnaşyklaryň giňelmegine ýardam etmek meýilini bildirdiler.
«Russiýa-Yslam dünýäsi: KazanForum» XIV halkara ykdysady forumy 18-19-njy maýda «Kazan Ekspoda» geçiriler. Ozal Russiýanyň prezidenti Wladimir Putiniň karary bilen foruma federal derejesi berildi, bu bolsa çärä bolan gyzyklanmany has-da artdyrdy.
ORIENT habarlar
