Türkmenistan we Owganystan üstaşyr ýük daşamalary babatyndaky hyzmatdaşlygy ara alyp maslahatlaşdylar
Türkmenistanyň Daşary işler ministrliginiň, döwlet migrasiýa, gümrük we serhet gulluklarynyň wekilleri, şeýle hem Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň wekilleri owganystanly kärdeşleri bilen onlaýn-duşuşyk geçirdiler. Bu barada «Türkmenawtoulaglary» agentliginiň saýtynda habar berilýär.
Owgan tarapyna DIM-niň işgärleri, ulag, gümrük ministrlikleriniň, söwda we nebitgaz edaralarynyň işgärleri wekilçilik etdiler.
Duşuşygyň barşynda Owganystanyň üsti bilen üstaşyr ýük daşamalary babatynda hyzmatdaşlygy giňeltmek bilen baglanyşykly meseleler ara alnyp maslahatlaşyldy.
Türkmenistan özüniň ulag infrastrukturasyny işjeň ösdürýär we üstaşyr geçelgelerini döretmek boýunça halkara taslamalarynyň ýerine ýetirilmegine gatnaşýar. Şeýle taslamalaryň biri — Lazurit geçelgesidir — Owganystan-Türkmenistan-Gruziýa-Türkiýe multimodal ulag ugrydyr. Bu ulag geçelgesi owgan harytlaryny Ýewropanyň bazarlaryna çykarmak üçin iň gysga we çykdajylary boýunça elýeterli ugurdyr.
ORIENT habarlar
