Astrahanda Magtymguly Pyragynyň doglan gününiň 300 ýyllygyny bellediler
Türkmenistanyň Russiýadaky Baş konsullygy (Astrahan şäheri) beýik türkmen şahyry we akyldary Magtymguly Pyragynyň doglan gününiň 300 ýyllygyna bagyşlanan baýramçylyk çäresini gurady.
Astrahan döwlet uniwersitetindäki çäre Astrahan oblastynyň Daşary aragatnaşyklar ministrliginiň wekilleriniň gatnaşmagynda ýokarda ady agzalan ýokary okuw mekdebiniň ýolbaşçylarynyň, Magtymguly Pyragy adyndaky mekdebiň direktorynyň, şeýle hem Astrahan oblastynda ýaşaýan türkmen diasporasynyň gatnaşmagynda geçdi.
Öz çykyşlarynda Astrahanyň ýokary okuw mekdeplerinde okaýan türkmen talyplary beýik akyldaryň dünýä edebiýatyna goşan saldamly goşandyny bellediler, onuň eserleriniň ýaş nesil üçin ähmiýetini nygtadylar.
Dabaraly konsert başlamazdan öň, myhmanlar üçin türkmen şekillendiriş sungatynyň, milli egin-eşikleriň we türkmen halylarynyň sergisi guraldy.
ORIENT habarlar
