Türkmen wekiliýeti Milanda dokma enjamlarynyň sergisine gatnaşar
Türkmenistan Milan şäherinde dokma enjamlarynyň halkara sergisine gatnaşar. Wise-premýer Batyr Atdaýew ýekşenbe güni geçirilen Türkmen hökümetiniň mejlisinde pudagyň wekilleriniň Italiýa boljak sapary barada hasabat berdi.
Dokma we egin-eşik tehnologiýalarynyň dünýädäki iň uly sergisi - ITMA Milan 8- 14-nji iýunda Fiera Milano sergi merkezinde geçiriler. Sergi Germaniýanyň, Italiýanyň, Angliýanyň, Gollandiýanyň, Belgiýanyň, Şweýsariýanyň, Şwesiýanyň, Ispaniýanyň we Fransiýanyň öndürijilerini öz içine alýan CEMATEX dokma assosiasiýasy tarapyndan gurnaldy.
Indiki synyň iň möhüm iki ugry – dokma senagatynyň sanlylaşdyrylmagy we gaýtadan işlenip bilinýän, bio bölünýän we ekologiýa taýdan arassa önümleridir. Milandaky ITMA 2023 sergisinde gaýtadan işlemäge we daşky gurşawyň durnuklylygyna laýyk gelýän enjamlar hem-de önümçilik usullary iň uly gyzyklanma döreder.
Serginiň çäginde bilim we maglumat seminarlary, işewürlik çäreleri we duşuşyklar geçiriler. Umuman, ITMA 2023-e gatnaşmak üçin 42 ýurtdan 1500 töweregi arza berildi.
ORIENT news
