Ýaponiýa Türkmenistanyň DIM-niň HGI-na ýapon dilinde täze kitaplary gowşurdy
Ýapon hökümeti Türkmenistanyň DIM-niň Halkara gatnaşyklary institutyna Read Japan maksatnamasynyň çäklerinde ýapon dilindäki kitaplary gowşurdy – diýip, Tokiodaky türkmen diplomatik wekilhanasy habar berýär.
Ýapon dilini öwrenýän 3—4-nji ýyl talyplary indi ýapon bilim maksatnamasynyň asyl okuw materiallary bilen tanşyp bilerler. Olar taryh, ykdysadyýet, Ýaponiýanyň halkara syýasaty we onuň döwlet gurluşy ýaly ugurlary gurşap alýarlar.
Žurnalistika fakultetiniň talyplary ýapon mediasynyň we KHBS-niň işi baradaky gollanmany öwrenip bilerler. Bu tapgyrdaky kitaplaryň merkezi materialy — «NHK täzelikleri we telewideniýe».
Ozal ýurduň DIM-niň HGI-na kitaplaryň beriljekdigini Ýaponiýanyň Türkmenistandaky ilçisi Ýamamoto Hiroýuki mälim edipdi.
ORIENT habarlar
