TDHÇB-daky söwdalaşyklar: A-92 kysymly awtoulag benzini we tüýjümek önümler ýokary islege eýe boldular
Anna güni, 12-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $5,1 mln amerikan dollaryna deň bolan 3 geleşik baglaşyldy – diýip, ORIENT-iň habarçysy habar berýär.
BAE-den we Owganystandan gelen işewürler A-92 kysymly awtoulag benzininiň 7,5 müň tonnasyny, önümiň her tonnasyna $681,25 amerikan dollaryny hödürläp satyn aldylar. Geleşikleriň jemi bahasy $5,1 mln amerikan dollaryndan geçdi.
Gyrgyzystanyň işewür toparlarynyň wekili $51,7 müň amerikan dollaryna dürli ölçeglerdäki we reňklerdäki tekizlenip boýalan we žakkard tüýjümek önümleriň 11,5 müň kg satyn aldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
