TDHÇB-daky söwdalaşyklar: 60 müň tonna ýangyç mazuty eksport edildi
Şenbe güni, 13-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $22,6 mln amerikan dollaryna we 31,5 müň türkmen manadyna deň bolan 5 geleşik baglaşyldy – diýip, ORIENT-iň habarçysy habar berýär.
BAE-den we Maltadan gelen işewürler az kükürtli ýangyç mazutyň jemi 60 müň tonnasyny satyn aldylar. Önümiň her tonnasyna $377,75 amerikan dollary baha berildi. Geleşikleriň jemi bahasy $22,6 mln amerikan dollaryndan geçdi.
Içerki bazarda ýerli telekeçi burawlama erginleri üçin bentonit tozunyň 20 tonnasyny satyn aldy, önümiň her tonnasyna 1 575 TMT baha berdi. Geleşigiň jemi bahasy 31,5 müň TMT deň boldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
