Türkmen bagşysy Özbegistandaky halkara festiwalynda ýeňiş gazandy
Maýa Kulyýewa adyndaky Türkmen milli konserwatoriýasynyň bagşyçylyk sungaty kafedrasynyň müdiri, Türkmenistanyň at gazanan artisti Garýagdy Saryýew Özbegistanyň Syrdarýa welaýatynyň Gülistan şäherinde geçen bagşyçylyk sungatynyň III Halkara festiwalynyň ýeňijisi boldy- diýip, şu gün «Türkmenistan» gazeti ýazýar.
Saryýew Soltan Söýün Baýkara dessanyny ýerine ýetirdi we eminleriň ýokary bahasyny aldy. Ol halkara festiwalyň diplomyna we ABŞ-nyň 2,5 müň dollary baýragyna mynasyp boldy.
Çärede Türkmenistana şeýle hem Maýa Kulyýewa adyndaky Türkmen milli konserwatoriýasynyň mugallymlary Röwşen Muhammedow we Saparmyrat Amanmyradow, şeýle hem şol ýokary okuw mekdebiniň talyby Wepamyrat Ödäýew wekilçilik etdiler.
2019-njy ýylda Türkmenistandan başga bir bagşynyň, ýurduň at gazanan artisti Kerwen Ýowbasarowyň bu festiwalda ýeňiş gazanandygyny belläp geçmelidiris.
Bagşyçylyk sungatynyň halkara festiwalyna Özbegistanyň prezidenti Şawkat Mirziýoýew tarapyndan başlangyç berildi we bagşyçylyk sungatyny gorap saklamaga, ösdürmäge we dünýä ýaýmaga gönükdirilendir. Ol her ýylda iki gezek geçirilýär.
ORIENT habarlar
