Stambulyň meşhur Gyz galasy gelip görýänler üçin ýene-de açyldy
Dikeldiş işlerinden soňra Stambulyň gyz galasy (Kyz Külesi) gelip görýänler üçin ýene-de öz gapylaryny açdy. Bosfor bogazyndaky adada ýerleşýän gala indi ýadygärlik we muzeý hökmünde işlär.
Gyz galasy ilkibaşda b.e. öňki V asyrda häzirki kenar Üsküdardan 20 metr uzaklykda uly bolmadyk adajykda gurlupdyr, ol Bosfordan geçýän gämileri dolandyrmak boýunça gümrük nokady bolup hyzmat edýär.
Gyz galasy deňizde özüniň ýerleşýän ýeri we howa şertleri sebäpli hemişelik idegi talap edýär. Şol sebäpli Türkiýäniň Medeniýet we syýahatçylyk ministrligi 2021-nji ýylda onuň gaýtadan dekildilmegi üçin «Gyz galasy ýene-de gözlerini açar» atly taslama başlangyç berdi.
Dikeldiş işleriniň çäklerinde ähli beton bölekleri aýryldy, gala we onuň ýerleşen adasy bolsa üýşmekleriň we titremä garşy sütünleriň kömegi bilen berkidildi. Galanyň töweregindäki howlynyň üçegi ilkibaşdaky görnüşine laýyklykda agaç bilen çalşyldy. Howly we howlynyň örtügi taryhy çyzgylarda görkezilen hakyky asyl materiallar bilen dikeldildi.
ORIENT habarlar
