Türkiýede durnukly syýahatçylyk boýunça bütindünýä maslahaty geçdi
Türkiýäniň Antalýasynda durnukly syýahatçylyk boýunça bütindünýä maslahaty (GSTC 2023) geçdi – diýip, Türkiýäniň Türkmenistandaky ilçihanasy habar berýär.
Çärä 40 ýurtdan 300 wekiliýet gatnaşdy. Myhmanlaryň arasynda – döwlete degişli we hususy pudagyň wekilleri, otelýerler, syýahatçylyk operatorlary, ylmy intelligensiýa we durnukly syýahatçylygy we gezelençleri öňe sürüjilileriň gatnaşyjylary bar.
Maslahatyň açylyşynda çykyş etmek bilen, Türkýäniň Medeniýet we syýahatçylyk ministri Nuri Ersoý forumyň bütin dünýäde syýahatçylyk pudagyny kämilleşdirmek boýunça maglumatlar we pikir alyşmak üçin gymmatly platforma boljakdygyny belledi.
Maslahatyň giň maksatnamasy interaktiw ussatlyk-sapaklaryny, seminarlary we sergileri öz içine aldy. Ara alyp maslahatlaşmak üçin öňe sürlen möhüm temalaryň arasynda – dynç alýanlaryň ekologiýa edýän täsiri barada mesele hem boldy.
«Meseläniň çözgütleriniň biri hökmünde biz täze syýahatçylyk merkezleriniň gurnalmagyny we ösüşini görýäris» — diýip, durnukly syýahatçylyk boýunça Bütindünýä geňeşiniň prezidenti Luidži Kabrini maslahatda çykyş etmek bilen nygtady.
ORIENT habarlar
