Kiýewde Magtymgulynyň 300 ýyllygyna bagyşlanyp medeni-bilim çäresi geçirildi
Türkmenistanyň Ukrainadaky ilçihanasy Wýaçeslaw Çernowol adyndaky 235-nji mekdep we Kiýewiň Magtymguly adyndaky kitaphanasy bilen bilelikde türkmeniň nusgawy şahyry Magtymguly Pyragynyň 300 ýyllygyna bagyşlap medeni-bilim çäresini gurady.
Ukrain paýtagtynyň okuwçylary we ýaşaýjylary beýik akyldaryň we şahyryň ömri we döredijiligi bilen, şeýle hem türkmen halkynyň baý medeni mirasy bilen tanyşdylar - diýip, Türkmenistanyň Kiýewdäki ilçihanasy habar berýär. Çäräniň çäklerinde şeýle hem kitap sergisi gurnaldy, onda ylmy we çeper eserler, şol sanda Magtymgulynyň eserleri hem görkezildi.
Şeýle hem çäräniň barşynda bilim beriji wiktorina-bäsleşigi geçirildi we şahyryň döredijiliginiň dürli ugurlaryna bagyşlanan çekişme boldy. Myhmanlar milli türkmen aşhanasynyň tagamlaryndan hem datdylar. Milli türkmen lybasyndaky okuwçylar Magtymgulynyň goşgularyny ukrain dilinde okadylar.
ORIENT habarlar
