Si Szinpin Türkmenistanyň Prezidentini «Merkezi Aziýa + Hytaý» sammitine çagyrdy
Hytaý Halk Respublikasynyň Prezidentiniň ýörite wekili, Daşary işler ministriniň birinji orunbasary Ma Çžaosýu, 18-19-njy maýda geçiriljek Merkezi Aziýa + Hytaý sammitine gatnaşmak üçin Si Szinpiniň adyndan Türkmenistanyň Prezidentine çakylyk berdi. Türkmenistanyň Baştutanynyň hytaý diplomaty bilen duşuşygy 13-nji maý, şenbe güni geçirildi.
Duşuşygyň dowamynda ikitaraplaýyn hyzmatdaşlygyň geljegi barada pikir alyşyldy. Strategiki hyzmatdaşlygy ösdürmegiň möhüm ädimine öwrülen şu ýylyň ýanwar aýynda Türkmenistanyň Prezidenti Serdar Berdimuhamedow bilen Hytaý Halk Respublikasynyň Prezidenti Si Szinpiniň arasynda geçirilen gepleşikleriň ähmiýeti bellendi.
Türkmenistan we Hytaý bar bolan mümkinçilikleri göz öňünde tutup, umumy tagallalaryň ulanylmagy iň täsirli hasaplanýan, söwda we ykdysady ugur, ýangyç we energetika toplumy we beýleki birnäçe pudaklarda öndürijilikli hyzmatdaşlyk edýärler diýip, «Türkmenistan bu gün» saýty habar berýär.
ORIENT news
