Ýeňişli bahar - türkmen konserwatoriýasynda uruş ýyllarynyň aýdymlary ýaňlanar
Ýeňiş güni 78 ýyl bäri her ýyl yzygiderli bellenip geçilýän iň şuglaly, ýyly we biraz gussaly baýramçylyklaryň biridir. “Uruş ýyllarynyň aýdymlary” konsertiniň guramaçylary paýtagtyň ýaşaýjylaryny we myhmanlaryny 6-njy maýda Maýa Kulyýewa adyndaky Türkmen milli konserwatoriýasynyň uly zalynda ýygnanmaga we uruş ýyllarynyň aýdymlaryny we sazlaryny diňlemäge çagyrýar.
Konsertiň hormatly myhmanlarynyň arasynda Beýik Watançylyk urşunyň weteranlary hem bar. Isleg bildirenler öz ýany bilen "Ölmez polk" gahrymanlarynyň suratlaryny getirip bilerler, şunlukda bitewilik we buýsanç duýgusy bilen parahat durmuş üçin öz janlaryny pida eden ata-babalarymyzyň edermenligini, şöhratly ýeňişlerini we gahrymançylyklaryny hatyraladygymyz bolar.
Konsert türkmen aýdym-saz medeniýetiniň ýyldyzlarynyň ýerine ýetirmeginde ajaýyp çykyşlardan ybarat bolar. Uruş ýyllarynyň sazlary diňleýjileri hyýalynda ata-babalarymyzyň ýaşlyk döwrüne aralaşdyryp, gahrymanlarça söweşen esgerleriň şol wagtlar gören zatlaryny we başdan geçiren duýgularyny göz öňüne getirmäge mümkinçilik berer: köne şineliň ýylylygy, gara çöregiň ysy we esger şülesiniň tagamy, garymyň çygy we, elbetde, radiodan diktor Lewitanyň sesi...
Konsertiň myhmanlary walsyň owazyna tans edip, sahnada çykyş edýän artistler bilen birlikde öz söýgüli aýdymlaryna hiňlenip bilerler. Munuň üçin şenbe güni agşam TMK-niň uly zalyna gelip, baýramçylyk çykyşyna gatnaşmaly. Meşhur "Spoýemte, druzýa" aýdymynyň hemmelere tanyş we ýakymly setirleri bolsa duşuşygyň baş şygaryna öwrüler.
Konsert 18:00-da başlanýar, giriş mugt.
