Erdogan Türkmenistanyň, Azerbaýjanyň we Türkiýäniň arasyndaky gümrük hyzmatdaşlygy baradaky Ähtnamany tassyklady
Maý 10, 2023 | 21:13 |8369
Türkiýäniň prezidenti Rejep Taýyp Erdogan «Türkmenistanyň hökümeti, Azerbaýjan respublikasynyň hökümeti bilen Türkiýe Respublikasynyň hökümetiniň arasynda özara düşünişmek hakynda Ähtnamany» tassyklamak barada karara gol çekdi.
«Türkiýe Respublikasynyň resmi gazetinde» Ähtnama laýyklykda taraplaryň gümrük hyzmatdaşlygy we bu ugurdaky hyzmatdaşlygy gowulandyrmak üçin maglumat alyşmak boýunça bilelikdäki maslahat toparyny döredjekdigi barada aýdylýar.
Ozal Türkmenistanyň, Azerbaýjanyň we Türkiýäniň döwlet Baştutanlarynyň ilkinji sammitiniň çäginde 2022-nji ýylyň 14-nji dekabrynda Türkmenbaşy şäherinde Ähtnama gol çekildi. Azerbaýjanyň prezidenti Ylham Alyýew degişli resminamany şu ýylyň 27-nji aprelinde tassyklady.
ORIENT news
