Türkmenistan Owganystana 125 tonna ynsanperwer ýüküni ugratdy
Türkmenistan Owganystana 125 tonna ynsanperwer ýüküni — derman we lukmançylyk serişdeleri, şeýle hem azyk we dokma önümlerini ugratdy. Ynsanperwer kömegi Türkmenistanyň Prezidenti Serdar Berdimuhamedowyň degişli buýrugyna laýyklykda ugradyldy – diýip, Türkmenistanyň DIM-niň metbugat gullugy habar berýär.
15-nji maýda Owganystanda Türkmenistanyň Saglygy goraýyş we derman senagaty ministrligi tarapyndan düzülen lukmançylyk işgärleriniň topary işe başlar. Hünärmenler Türkmenistanyň ynsanperwerlik kömegi hökmünde Hyrat welaýatynyň Turgundy şäherçesinde 2016-njy ýylda gurlan çaga dogrulýan öýünde bejeriş-maslahat beriş goldawyny ederler.
Türkmen halkynyň gadymdan gelýän ynsanperwerlik däp-dessurlara we ýörelgelerine esaslanýan ynsanperwerlik çäresi Türkmenistanyň Owganystana köp ýyllaryň dowamynda goldaw bermek boýunça alyp barýan işleriniň dowamy bolup durýar – diýip, ýurdumyzyň DIM-i belleýär.
Şunuň bilen baglanyşykly okaň:
ORIENT habarlar
