ÝB-de emeli intellekt üçin ilkinji düzgünleri işläp taýýarladylar
Ýewropa parlamentiniň Strasburgdaky ugurdaş komitetinde emeli intellekt üçin düzgünleriň ilkiji ýygyndysy tassyklanyldy, ol adamlar gatnaşmazdan kompýuter torlary tarapyndan ýüzleriň tanalmagyny gadagan edýär.
Ulanyjy haçan-da onuň bilen başga adamyň däl-de, çat-botyň gürleşýändigini bilmelidir.
«Bu düzgünler hökümetleriň we hususy kompaniýalaryň Emeli Intellekti diňe gowy zatlar üçin ulanjakdygyna has berk kepillendirmeleri berýär. Biz emeli intellektiň, meselem, hukuk goraýjy edaralar tarapyndan ýa-da migrasiýa gözegçiliginde nähili ulanylýandygyny bilip bileris. Entek biz bularda şeýle ulgamlaryň gatnaşýandygyny köplenç habarymyz ýok» - diýip, Ýewropanyň Sanly hukuklary birleşmesiniň wekili Sara Çander belliklerini aýtdy.
Brýussel tarapyndan 2021-nji ýylda hödürlenen şuňa meňzeş düzgünleriň ýygyndysynyň kabul edilmegi iýun aýynda tassyklanmalydyr, ondan soňra gutarnykly teksti ÝB-niň agza-ýurtlary bilen ylalaşylar. Taryhda emeli intellektiň ilkinji kadalaşdyrylmagy eýýäm ýu ýylyň ahyryna hakykylyga öwrüler.
ORIENT habarlar
