ÝUNISEF Türkmenistana konteýnerli kislorod enjamlaryny berdi
BMG-niň çagalar gaznasynyň (ÝUNISEF) Türkmenistandaky wekilhanasy ýurdumzyň Saglygy goraýyş we derman senagaty ministrligine üç sany konteýnerli kislorod enjamlaryny berdi – diýlip, bu guramanyň metbugat habarynda aýdylýar.
Bu enjamlary eýýäm Aşgabatdaky Türkmenistanyň Ýokanç keselleriň öňüni alyş we bejeriş merkezinde we Şikesleri bejeriş halkara merkezinde ulanýarlar. Şeýle hem olary Ahal welaýatynyň Tejen şäher hassahanasynda ýerine ýetirmek boýunça işler alnyp barylýar.
«Gutudaky kislorod kärhanasy» ady bilen belli bolan gurluşlar innowasion çözgütdir we lukmançylyk kislorodynyň uly mukdaryny öndürmäge niýetlenendir. Ony eýýäm edara getirilenden soňra birnäçe günüň dowamynda ulanmak bolýar.
Enjamyň üpjün edilmegi bilen, gurnamak üçin gerekli bolan abzallary, oturtmak we tehniki hyzmat etmek boýunça hyzmatlary, şeýle hem işgärleriň «kärhana» bilen işlemäge tejribe toplamagy üçin başlangyç okuwy öz içine alýar.
Kisloroda bolan elýeterlilik adatdan daşary ýagdaýlarda adamlaryň janyny halas edip biler, şeýle hem öýken çişme we beýleki ýiti respirator keseli bolan çagalary bejermek üçin möhüm serişde bolup durýar.
ORIENT habarlar
