TDHÇB-daky söwdalaşyklar: gidro usulda arassalanan dizel ýangyjy söwdalaşyklarda ýokary islege eýe boldy
Sişenbe güni, 9-njy maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $16,2 mln amerikan dollaryna deň bolan 4 geleşik baglaşyldy – diýip, ORIENT-iň habarçysy habar berýär.
Singapurdan we BAE-den gelen işewürler gidro usulda arassalanan dizel ýangyjynyň jemi 30 müň tonnasyny satyn aldylar, önümiň her tonnasyna $546,50 amerikan dollaryny teklip etdiler.
Beýleki görnüşleri bilen deňeşdireniňde ekologiki taýdan arassalygy bilen tapawutlanýan haryt boýunça geleşigiň jemi bahasy $16 395 000 amerikan dollaryna barabar boldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT news
