MA ýurtlary we Hytaý Siandaky sammitde «möhüm syýasy resminama» gol çekerler
18-19-njy maýda Siandaky sammitde Türkmenistan, Gazagystan, Özbegistan, Täjigistan we Gyrgyzystan Hytaý bilen «möhüm syýasy resminama» gol çekerler. Bu barada Hytaýyň DIM-niň wekili Wan Wenbin metbugat maslahatynyň barşynda «Ženmin žibao» neşiriniň žurnalistleriniň soraglaryna jogap berende beýan etdi.
Sammitiň barşynda HHR-nyň başlygy Si Szinpin wajyp söz sözlär. Prezidentler HHR bilen MA-nyň arasyndaky gatnaşyklaryň ösüşiniň barşyna gararlar, iki tarapyň arasyndaky mehanizmleriň ösüşi barada pikir alşarlar <...> we bilelikde möhüm syýasy resminama gol çekerler» – diýlip, hytaý edarasynyň saýty hytaýly resminiň sözlerini getirýär.
Ol şeýle hem öňde boljak duşuşygyň Hytaý bilen Merkezi Aziýanyň «bäşliginiň» arasynda gatnaşyklaryň täze meýilnamasyny işläp düzmäge kömek etjekdigini hem-de taraplaryň arasynda hyzmatdaşlygyň täze eýýamyny açjakdygyny sözüniň üstüne goşdy.
ORIENT habarlar
