Pakistanyň diller uniwersiteti Türkmenistan bilen bilelikdäki taslamalara gyzyklanma bildirýär
Türkmenistanyň Pakistandaky ilçisi Atajan Möwlamow Pakistanyň häzirki zaman dilleriň Milli uniwersitetiniň (NUML) rektory Muhammad Jafar bilen duşuşdy hem-de onuň bilen bilim pudagyndaky türkmen-pakistan hyzmatdaşlygyny ara alyp maslahatlaşdy.
Gepleşikleriň barşynda taraplar iki ýurduň ýokary okuw mekdepleriniň arasynda hyzmatdaşlygy ýola goýmagyň we bilelikdäki çäreleri we taslamalary guramagy meselelerini ara alyp maslahatlaşdylar. Türkmen diplomatynyň aýtmagyna görä, şeýle çäreler ikitaraplaýyn hyzmatdaşlygyň mümkinçiliklerini açmaga kömek eder.
Söhbetdeşligiň çäklerinde täze Arkadag şäheriniň tanyşdyrylyşy boldy, onuň taslamasy Pakistanyň ýokary okuw mekdebiniň baştutanyna täsir etdi. Öz gezeginde, NUML-yň rektory TAPI we TAP taslamalaryny ýerine ýetirmegiň möhümdigini belledi.
Söhbedeşligiň jemleri boýunça taraplar ylym we bilim ugurlary boýunça gatnaşyklary ösdürmäge ikitaraplaýyn gyzyklanmanyň bardygyny nygtadylar.
ORIENT habarlar
