Gruzin parlamentarileri Türkmenistana gelerler
Gruziýanyň parlamentarileriniň Türkmenistana öňde boljak saparynyň meseleleri Türkmenistanyň Gruziýadaky ilçisi Döwletmyrat Myradowyň Gruziýanyň Parlamentiniň deputaty, hukuk işleri boýunça toparyň başlygynyň birinji orunbasary, «Gruziýa-Türkmenistan» Parlamentara dostluk toparynyň baştutany Dawid Matikaşwili bilen duşuşygynyň barşynda ara alnyp maslahatlaşyldy.
Taraplar iki ýurduň ýola goýlan parlamentara gatnaşyklarynyň depginli häsiýetini we möhüm meseleleri çözmek üçin kanun çykaryjy edaralaryň arasyndaky gepleşikleriň wajypdygyny nygtadylar.
Şeýle hem türkmen-gruzin gatnaşyklarynyň ykdysadyýet babatyndaky, energetika, ulag we medeni-ynsanperwer hyzmatdaşlygyndaky depginli ösüşi bellenip geçildi. Şunuň bilen baglylykda, wekiliýet ýurtlaryň arasyndaky hyzmatdaşlygy mundan beýläkde giňeltmäge taýýardyklaryny bildirdiler.
ORIENT habarlar
