Hytaý ýanwar-aprel aýlarynda eksporty 2,5% artdyrdy
Hytaý üstümizdäki ýylyň ýanwar — aprel aýlarynda eksporty 2,5% artdyrdy, importy bolsa 7,3% kemeltdi. Şeýle maglumatlary Hytaýyň gümrük müdirligi getirýär – diýip, Prime portaly habar berýär.
Şu döwürde Hytaý bilen söwdada Günorta-Gündogar Aziýa ýurtlary öňdebaryjy boldular, olar bilen haryt dolanyşygy $304 mlrd deň boldy. Ikinji ýeri — $262 mlrd görkeziji bilen ÝB-niň ýurtlary eýeleýär, ABŞ $218 mlrd bilen üçünji ýerde barýar.
Latyn Amerikasynyň döwletleri ($150 mlrd) we Afrika yklymynyň ýurtlary ($94 mlrd) bilen haryt dolanyşygynyň oňyn ösüşlere eýe bolýandygyny görkezdi.
Dünýädäki ikinji iri ykdysadyýetiň we harytlary bütin dünýä boýunça iri eksport ediji ýurduň haryt dolanyşygynyň umumy görkezijisi $2 trilliona golaý boldy, olardan $1,116 trillion eksporta, $822 mlrd bolsa —importa degişlidir.
ORIENT habarlar
