Türkmen we täjik kompaniýalary, takmynan 11 million dollarlyk şertnama baglaşdylar
8-nji maý, duşenbe güni Duşanbe şäherinde geçirilen Türkmen-täjik işewürlik forumynyň netijesi boýunça 23 resminama gol çekildi.
Bulardan dokuzysy anyk bahaly işewür geleşiklerdir. Hususan-da, “Hazar logistika” hojalyk jemgyýeti we Täjigistanyň Ulag ministrligi logistika hyzmatlaryny bermek barada ulalaşyk baglaşdylar.
"Bagdan”, “Hasar” we “Altyn Ýunus” HK (konditer önümleri), “Polat Dokma we Söwda” HK (polipropilen sapaklar), “Mizemez gadam” HK (izogam önümler), “Ak bulut” HJ (gurluşyk materiallary) ýaly türkmen kompaniýalary öz önümlerini täjigistanly hyzmatdaşlaryna eksport etmek barada ylalaşdylar.
Umuman alanyňda, geleşikleriň umumy bahasy ABŞ-nyň 10 million 780 müň dollaryndan gowrak boldy, şolardan 500 müňi metal we emal önümlerini Türkmenistana import etmek üçin bir şertnama, galanlary harytlaryň we hyzmatlaryň eksporty üçin baglaşylan şertnamalardyr.
Türkmen we täjik kompaniýalarynyň arasynda baglaşylan hyzmatdaşlyk hakynda ylalaşyklaryň ýene 14-si häzirlikçe diňe ýeňil we azyk senagaty, syýahatçylyk we ş.m. ugurlarda täjirçilik hyzmatdaşlygy üçin esas döredýär.
Işewürlik forumyndan başga-da, Duşanbe şäherinde işewürler geňeşiniň birinji mejlisi geçirildi. Çäräniň çäginde döwlet edaralarynyň we Türkmenistan bilen Täjigistanyň hususy kompaniýalarynyň wekilleriniň arasynda ikitaraplaýyn duşuşyklar tapgyry geçirildi.
ORIENT news
