Türkmen dzýudoçylary Katarda geçjek dünýä çempionatynda çykyş ederler
Türkmen türgenleri 7-nji maýdan 14-nji maýa çenli Dohada (Katarda) geçjek dzýudo boýunça dünýä çempionatyna gatnaşarlar.
Bu dünýä birinjiliginde Türkmenistana sekiz türgen wekilçilik eder. Erkekler ýygyndysynyň düzümini Aýbek Omirow, Hakberdy Jumaýew (60 kg çenli agram derejesinde), Serdar Rahymow, Hekim Agamämmedow (66 kg agramda) düzdüler.
Zenanlar toparyna: Aksoltan Hojageldiýewa (48 kg çenli), Saýara Rozyýewa (52 kg çenli), Maýsa Pardaýewa (57 kg çenli) we Zulhumar Daşkinowa (63 kg çenli) girdiler.
Katardaky dünýä çempionaty 99 ýurtdan alty ýüzden gowrak dzýudoçyny (347 erkek we 319 zenan) ýygnar, olar 2024-nji ýylda Parižde geçiriljek Olimpiýa oýunlaryna barýan ýolda ýedi sany erkek we ýedi sany zenan derejelerinde medallar we reýting oçkolaryny gazanmak ugrunda göreşerler.
ORIENT habarlar
