Türkmenistan BSGG-nyň goldaw bermeginde barlaghana işini kämilleşdirýär
Saglygy goraýyş we derman senagaty ministrligi bilen BSGG-nyň Ýewropa sebitleýin býurosy bilen ylalaşygyň ýerine ýetirilmeginiň çäklerinde Türkmenistana guramanyň wagtlaýyn maslahatçysy Natalýa Kostik iş sapary bilen geldi.
Sapar barlaghana işleriniň hilini kämilleşdirmek we Türkmenistanyň Jemgyýetçilik saglygy we iýmiti merkeziniň wirusologiki referens laboratoriýasynda ISO 15189:2022 ölçeginiň esasynda hili dolandyrmak ulgamynyň girizilmegine gönükdirilendir.
ISO 15189:2022 ölçegi töwekgelçilikler we mümkinçilikler bilen baglanyşykly işjeňligi meýilleşdirmeklige gönükdirilendir, ol bolsa menejment ulgamynyň netijeliligini ýokarlandyrmakda, nädogry netijeleri almak ähtimallygyny kemeltmekde we mümkin bolan zeper ýetmede oňyn netije görkezmelidir. Barlaghana işi etikanyň ýörelgelerine laýyklykda we hassa hyzmatlary üpjün edýän subýektiň hukuk talaplaryna laýyklykda amala aşyrylmalydyr.
Bilermeniň sapary BSGG-nyň «Gowy barlaghanalar - berk saglyk» başlangyjynyň çäklerinde gurnalandyr.
ORIENT habarlar
