Halk Maslahatynyň Başlygy Gurbanguly Berdimuhamedow Germaniýada atşynaslar bilen duşuşdy
Halk Maslahatynyň Başlygy Gurbanguly Berdimuhamedow Germaniýada saparda boldy hem-de ol ýerde birnäçe duşuşyklar geçirdi we bilelikdäki taslamalaryň durmuşa geçirilmegi, tejribe alyşmak hem-de ikitaraplaýyn hyzmatdaşlygyň geljegi barada pikir alyşdy.
Saparyň çäginde Gurbanguly Berdimuhamedow atçylyk toplumyna baryp gördi we bu ýerde onuň işi bilen tanyşdy hem-de atlary ösdürip ýetişdirmegiň, tälim bermegiň milli usullaryny paýlaşdy, Halkara ahalteke atçylyk assosiasiýasynyň we umuman atlary köpeltmegiň meselelerine üns berdi. Bu barada «Türkmenistan bu gün» saýty habar berýär.
German atşynaslary hormatly myhmany Türkmeniň bedew baýramy bilen gutladylar. Türkmenistanyň dünýäde şeýle ajaýyp baýramçylygyň döredilen we her ýyl atlaryň hormatyna uly dabaralaryň geçirilýän ýeke-täk ýurtdygy bellendi.
Halk Maslahatynyň Başlygy, Türkmenistanda atçylyk pudagynyň häzirki ýagdaýy barada gürrüň berdi we ahalteke bedewiniň tohumynyň dörän ýerinde täze şäheriň gurlandygyny aýtdy. Onuň merkezinde dünýä rekordynyň eýesi meşhur Ahanyň ýadygärligi bar. Şeýle hem, ol ýerde Aba Annaýew adyndaky Halkara atçylyk akademiýasy we Atçylygyň ylmy-önümçilik merkezi, Döwlet atçylyk sirki döredildi.
Gurbanguly Berdimuhamedow german hünärmenlerini Arkadag şäheriniň açylyşyna bagyşlanan dabaralara gatnaşmaga çagyrdy we özüniň ahalteke atlaryna bagyşlanan kitaplaryny sowgat etdi.
ORIENT news
