Türkmenistan çagalaryň we zenanlaryň ýagdaýy baradaky multiklaster barlaga taýýarlanýar
Türkmenistan ýurtdaky çagalaryň we zenanlaryň ýagdaýy baradaky nobatdaky köpsanly barlagy (МИКО-7) geçirmäge taýýarlyk işlerine girişdi
Barlag 2022-nji ýylyň ilat we ýaşaýyş jaý gorunyň ýazuwynyň netijeleri boýunça seçilip alnan 6 müň öý hojalygyny gurşap alar. Monitoring üstümizdäki ýylyň noýabrynda başlanar we ÝUNISEF-iň we ÝUNFPA-nyň goldaw bermeginde Türkmenistanyň hökümeti tarapyndan geçiriler. Düzüminde dürli ministrlikler we edaralar bolan barlagy geçirmek boýunça tehniki komitet eýýäm pikir soraşmalaryň netijesinde gurşalyp alynjak meseleleri ara alyp maslahatlaşmaga girişdi.
MIKO bütindünýä maksatnamasy ýurtlara çagalaryň we zenanlaryň ýagdaýynyň giň dürli görkezijileri barada maglumatlary ýygnamaga kömek etmek üçin halkara köp ugurly maksatnama hökmünde ÝUNISEF tarapyndan işlenip düzüldi. MIKO-nyň pikir soraşmalarynda ýurtlara syýasatda, maksatnamalarda we milli ösüş meýilnamalarynda ulanmak üçin, şeýle hem Durnukly ösüşiň maksatlaryna we halkara derejesinde ylalaşylan beýleki borçnamalara ýetmekdäki ösüşe syn etmek üçin maglumatlary düzmäge mümkinçilik berýän esasy görkezijiler ölçenilýär.
ORIENT habarlar
