Türkmenistanyň DIM we Türkmen-Awstriýa jemgyýeti bilelikdäki medeni çäreleri ara alyp maslahatlaşdylar
Medeniýet babatynda gatnaşyklaryň häzirki ýagdaýy, şeýle hem bu ugurda netijeli hyzmatdaşlygy pugtalandyrmagy Türkmenistanyň DIM-niň orunbasary Mähri Bäşimowa we Türkmen-Awstriýa jemgyýetiniň ýolbaşçysy Neda Berger ara alyp maslahatlaşdylar.
Hyzmatdaşlygyň netijeli derejesini nygtamak bilen, taraplar şeýle hem Türkmenistanyň we Awstriýanyň medeniýet toparlarynyň wekilleriniň gatnaşýan çärelerini geçirmegiň wajypdygyny bellediler – diýip, Türkmenistanyň DIM-niň saýty habar berýär.
Duşuşyk ýurduň daşary syýasat edarasynyň binasynda geçdi. Taraplar Awstriýanyň medeniýetiniň we sungatynyň günlerini, konsertleri we beýleki bilelikdäki çäreleri geçirmäge taýýardyklaryny bildirdiler.
Bu ýyl Türkmen-Awstriýa jemgyýeti öz ýubileýini — 2008-nji ýylda döredilmeginiň 15 ýyllygyny baýram edýär.
ORIENT habarlar
