Türkmenistanyň we Hytaýyň diplomatik edaralary ykdysady mümkinçilikleriň ýerine ýetirilmegini ara alyp maslahatlaşdylar
Türkmenistaniň DIM-niň baştutanyň orunbasary Wepa Hajyýew Hytaýyň daşary işler ministri Sin Gan bilen ikitaraplaýyn söwda-ykdysady mümkinçilikleri açmagy we türkmen-hytaý gatnaşyklaryny täze derejä çykarmagyň meselelerini ara alyp maslahatlaşdy.
Daşary syýasat edaralarynyň wekilleri hyzmatdaşlyk baradaky Türkmen-Hytaý komitetiniň we onuň ugurlar boýunça kiçi komitetleriniň ýurtlaryň arasyndaky söwda hyzmatdaşlygyny ösdürmekdäki möhüm ornuny bellediler.
Şeýle hem diplomatlar halkara gün tertibine degişli meselelere hem degip geçdiler, şol sanda sebitleýin häsiýetdäki, şeýle hem iri halkara guramalaryň çäklerindäki özara gatnaşyklaryň meselelerine degip geçdiler.
Türkmen wekiliýetiniň baştutany Türkmenistanyň we Hytaýyň ykdysady hyzmatdaşlygyna iki döwletiň gatnaşyklarynyň binýady hökmünde seredilýär diýip, beýan etdi.
Ýokary derejeli şahslaryň gepleşikleri Hytaýyň Sian şäherinde geçen «Merkezi Aziýa – Hytaý» formatyndaky daşary işler ministrleriniň 4-nji duşuşygynyň çäklerinde boldy.
ORIENT habarlar
