Günorta Koreýanyň Daewoo E&C kompaniýasy Türkmenistanda iki zawod gurar
Günorta Koreýanyň “Daewoo E&C” kompaniýasy “Türkmenhimiýa” döwlet konserni bilen bilelikde Türkmenistanda iki zawodyň gurluşygynyň üstünde işleýär, olaryň önümçiligi üçin esasy çig mal tebigy gaz bolar.
Kompaniýanyň daşary ýurt marketing bölüminiň başlygy Min Manjun Dubaýdaky nebitgaz maýa goýum forumynda bu taslamalaryň tanyşdyrylyşyny geçirdi.
Ölaryň biri kuwwatlylygy ýylda 660 000 tonna ammiak we 1155 tonna karbamid öndürýän zawod bolup, ol Balkan welaýatynda ýerleşer.
Ikinji taslama boýunça Lebap welaýatyndaky Türkmenabat himiýa zawodynda ýylda 300 müň tonna fosfat dökünlerini öndürýän zawod gurlar.
Içerki çeşme gorlary Türkmenistana mineral dökünleri öndüriji we eksport ediji bolmaga mümkinçilik berýär we bu pudagyň maýa goýumlaryny özüne çekýär.
Min Manjunyň sözlerine görä, häzirki wagtda kompaniýanyň hünärmenleri ähli jikme-jik gözlegleri, konserniň wekilleri, maliýe institutlary bilen duşuşyklary we gepleşikleri geçirdiler.
Min Manjun: "Uglewodorod çig mallarynyň girdejisini artdyrmak meselesinde Türkmenistanyň ygtybarly hyzmatdaşlary bolmak isleýäris" - diýdi.
ORIENT news
