ŞHG-sy ýurtlarynyň ýaşlary «Şençžou-15» kosmos gämisiniň ekipažy bilen aragatnaşyga girdi
HHR-nyň onunjy pilotly dolandyrylýan kosmos gämisi «Şençžou-15» ŞHG-na gatnaşýan ýurtlaryň talyplary we mekdep okuwçylary bilen aragatnaşyk seansyny geçirdi.
Çäräni Pekindäki döwlet rezidensiýasy «Dýaýuýtaýda» Şanhaý hyzmatdaşlyk guramasynyň hoşniýetli goňşyçylyk, dostluk we hyzmatdaşlyk Topary Hytaýyň milli älem müdirligi we Umumyhytaý ýaşlar federasiýasy bilen bilelikde gurnady. Ol ŞHG-y ýurtlarynyň ýaşlarynyň kosmonawtika babatynda bilimlerini çuňlaşdyrmaga gönükdirilipdi.
Hytaý kosmonawtlary bilen aragatnaşyk seansy birwagtda köp ýurtlarda: Gazagystanda, Gyrgyzystanda, Pakistanda, Russiýada, Täjigistanda, Özbegistanda, Hindistanda, Eýranda, Belarusda we beýlekilerde geçdi. Dört ýüz kilometr beýiklikde hytaý kosmiki stansiýasy «Týangunyň» bortunda ýerleşmek bilen, kosmonawtlar ýaş adamlaryň soraglaryna jogap berdiler. Olar kosmosdaky iň çylşyrymly meseleler barada, taýkonawtlaryň ( Hytaýyň älem maksatnamasynyň çäginde işleýän kosmonawtlar) nähili ýaşaýandyklary hakynda we dynç günleri olaryň näme bilen meşgullanýandyklary hakynda soradylar.
«Kosmonawtikanyň ösüşi diňe bir kosmos bilen çäklenmeýär, ol ähli ugurlarda tehnologiki öňe gidişlige alyp barýar. Meselem, kosmiki seleksiýa bize has önümçilikli we zyýankeşlere we kesellere garşy has durnukly tohumlary almaga kömek edýär, kosmiki tehnologiýalary bolsa raýat senagat desgalarynda hem ulanmak bolýar» – diýip, öz çykyşynda ŞHG-nyň Baş sekretary Çžan Min aýtdy, guramanyň köp agza-ýurtlarynyň adamzat tarapyndan älem giňişliginiň özleşdirilmegine görnükli goşant goşandyklaryny nygtady.
ORIENT habarlar
