Türkmen boksçysy Kazandaky spartakiadada ýeňiş gazandy
Türkmenistanly türgen, Kazan (Priwolžýe) federal uniwersitetiniň 4-nji ýyl talyby Reşit Owezow Tatarystanyň ýokary okuw mekdepleriniň arasyndaky spartakiadanyň çäklerinde boks boýunça ýaryşlaryň ýeňijisi boldy. Bu barada Türkmenistanyň Kazandaky Baş konsullygynyň metbugat habarynda aýdylýar.
Ýaryşlaryň dowamynda 80 kg agram derejede çykyş eden boksçy üç sany ýeňişli söweşi geçirdi we ýokary derejedäki sylaga mynasyp boldy. Iki söweşi ol wagtyndan öň tamamlady.
Bu türkmenistanlynyň Tatarystandaky ilkinji ýeňşi däldir. Ozal ol «KAZAN-OPEN-CUP-2» açyk şäher ýaryşynda, tatfaýt bäsleşiginde Dimitrowgrad şäheriniň garyşyk söweş başa-baş söweşde (MMA) we ş.m. birnäçe gezek iň gowularyň hatarynda bolupdy.
Reşit kikboksing boýunça sport ussatlygyna dalaşgärdir. Ol entäk okuwçy wagty sport bilen meşgullanyp başlapdy we Russiýa okuwa gelip, söýgüli sport görnüşi bilen meşgullanmagyny taşlamady.
ORIENT habarlar
