Rus diline bagyşlanan halkara maslahat 2023-nji ýylyň oktýabr-noýabr aýynda geçiriler
Russiýanyň Federasiýa Geňeşiniň baştutany Walentina Matwiýenko GDA-nyň parlamentlerini şu yylyň oktýabr-noýabr aýlarynda geçiriljek «Rus dili— GDA sebitinde integrasiýa dialogynyň esasydyr» atly halkara maslahatyny gurnamakda gatnaşmaga çagyrdy.
Şeýle teklip GDA-nyň Parlamentara assambleýasynyň 5-nji plenar ýygnagynyň barşynda aýdyldy.
Mundan başga-da, Matwiýenko agza-ýurtlary ozal Gazagystanyň prezidenti Kasym-Žomart Tokaýew tarapyndan başlangyç berlen rus diline goldaw bermek we ony öňe sürmek boýunça ýörite guramanyň döredilmegine ýardam etmäge çagyrdy.
«Assambleýa şunuň ýaly guramanyň döredilmek prosessine we işlemegine gatnaşyp biler we hökman gatnaşmaly diýip hasap edýärin. Parlamentara assambleýasynyň syýasy mümkinçilikleri, serişdeler binýady, bilermenleriň toplumy, şeýle hem GDA ýurtlaryndaky bilim, ylym we medeniýet edaralary bilen köpýyllyk gatnaşyklar bu möhüm taslamany ýerine ýetirmekde gerekli bolup biler» - diýip Federasiýa Geňeşiniň baştutany hasaplaýar.
2023-nji ýyl GDA-da milletleriň arasyndaky aragatnaşyk dili hökmünde Rus diliniň ýyly diýlip yglan edildi.
ORIENT habarlar
