ABŞ-nyň Türkmenistandaky ilçihanasynyň öňki işgäriniň kitaby iki sany abraýly baýraga hödürlenýär
Amerikanyň Türkmenistandaky ilçihanasynyň öňki işgäri Reý Neýleriň «Deňizdäki dag» kitaby iki sany abraýly baýragyň — «Nýubel» we «Reý Bredberi» baýraklarynyň finalyna çykdy - diýip, Locus habar berýär.
Baýraklaryň ikisi hem Ýazyjy-fantastlaryň amerikan birleşigi tarapyndan fentezi äheňindäki iň gowy eserler üçin berilýär. Ýazyjynyň ylmy-fantastika işleri amerikan okyjylarynda birnäçe gezek uly gyzyklanma döredipdi.
«Deňizdäki dag» (2022) kitabynyň edebi esasy osminoglaryň ýokary derejede ösen siwilizasiýasy adam jemgyýetiniň ösüş derejesinden ýedimillik ädimler bilen ozup geçýär. Sýužet boýunça deňiz ýaşaýjylarynyň olara şeýle tiz ösmäge kömek edýän aýratyn «açary» bar.
Käbir bikanun toparlar akyl taýdan artykmaçlygyň syryny edinmek üçin bu görnüşi «awlamaga» başlaýarlar, ýöne olaryň ýolunda suwuň aşagyndaky haýwanlar bilen aragatnaşyga girmäge synanyşýan alymlar durýar. Ýöne adamzadyň iki görnüşiniň wekiline hem uly lapykeçlik garaşýar, sebäbi osminoglaryň geljege bolan meýilleri düýbünden başga.
Neýleriň döredijiligine anyk we tebigy ylymlar bilen, şeýle hem semiotika – belgi ulgamlary baradaky ylym bilen gyzyklanmak uly täsir etdi. Kitabyň bahasy dürli platformalarda $15 töweregidir, eýýäm 22 müňden gowrak ulanyjy oňa elektron ýüz tutmany resmileşdirdi.
Reý Neýler 2003-nji ýylda Kanadadan Türkmenistana sapara gelipdi. Bu ýerde ol Parahatçylyk korpusynyň, ABŞ-nyň diplomatiki wekilhanasynyň ýanyndaky ynsanperwer amerikan agentliginiň işgäri bolupdy, şeýle hem şol döwürde rus dilini suwara öwrenipdi. Bu bolsa birnäçe ýyldan soň Reýe GDA-nyň başga ýurtlaryna ugramaga, şol sanda Russiýa gitmäge mümkinçilik berdi.
ORIENT habarlar
