Çapar goşundysynyň kömegi bilen Belet film onlaýn kinoteatryna ýazylyşygy töläp bolýar
«Türkmenpoçta» poçta aragatnaşyk kompaniýasynyň Çapar goşundysynda bank kartlarynyň kömegi bilen we öýjükli telefonyň balansyndan Belet film onlaýn kinoteatryna ýazylyşygy tölemek funksiýasy elýeterliboldy.
Telefonyň üsti bilen töleg geçirmek üçin TMCELL-iň abonentiniň belgisini girizmek ýeterlikdir. Öz gezeginde, bank karty bilen töleg geçirmek amatlydyr, sebäbi ulanyja gerekli maglumatlary ýekeje gezek görkezmek ýeterlik bolýar we soňlugy bilen olar ýatda saklanýar hem-de tölegleri tiz amala aşyrmak üçin ygtybarly goralýar.
Çapar goşundysy — köp funksiýalydyr. Onuň kömegi bilen dürli hyzmatlaryň birnäçesine, şol sanda Älem TV hemra telewidenýesiniň opeartoryna hem töleg geçirip bolýar. Golaýda goşunda Türkmenistandaky edaralaryň telefon belgilerini gözläp tapmak funksiýasy goşuldy.
Goşundyny Google Play we App Store ýükläp alyp bilersiňiz.
Çapar goşundysynyň funksiýalary bilen ozal ORIENT tarapyndan çap edilen materialda jikme-jik tanşyp bolýar.
ORIENT habarlar
