Türkmen dzýudoçylary Türkiýedäki «Uly tuwalganyň» ýaryşyna gatnaşarlar
Türkmenistanyň dzýudo boýunça milli ýygyndysy 31-nji martdan 2-nji aprele çenli Antalýada (Türkiýe) geçiriljek «Uly tuwalganyň» ýaryşynda çykyş eder.
Bu çempionatda Türkmenistana 10 türgen wekilçilik eder. Erkekler toparynyň düzümini Aýbek Omirow, Hakberdy Jumaýew (60 kg çenli agram derejede), Serdar Rahymow, Hekim Agamämmedow (66 kg çenli), Parahat Nazarow (72 kg çenli) düzdüler.
Zenanlar ýygyndysyna Aksoltan Hojageldiýewa, Kurbanaý Kurbanowa (ikisi hem - 48 kg çenli), Saýara Rozyýewa (52 kg çenli), Maýsa Pardaýewa (57 kg çenli) we Zulhumar Daşkinowa (63 kg çenli) girdiler.
Türkmen dzýudoçylary çempionatda tälimçi Gahryman Amandurdyýewiň we Tatýana Widýasowanyň ýolbaşçylygynda çykyş ederler.
Antalýadaky «Uly tuwalganyň» ýaryşy 85 ýurtdan 616 dzýudoçyny (350 erkek we 276 zenan) ýygnar.
ORIENT habarlar
