Türkiýe tarapyndan başlangyç berlen Halkara galyndysyz güni bütin dünýäde bellenilýär
Geçen ýylyň dekabrynda BMG-niň Baş Assambleýasy özüniň 77-nji sessiýasynda Türkiýe bilen BMG-niň 105 beýleki agza-ýurtlary tarapyndan hödürlenen «2030-njy ýyla çenli döwürde Durnukly ösüş babatynda Gün tertibini öňe sürmek üçin galyndysyz önümçilik boýunça başlangyçlary höweslendirmek»atly 77/161 rezolýusiýany kabul etdi.
Resminama laýyklykda galyndylaryň emele gelmegi babatyndaky habardarlygy ýokarlandyrmak we bu meseläni çözmek üçin bütindünýä hereketlerini işeçekmek maksady bilen, 30-njy mart Halkara galyndysyz güni diýlip yglan edildi.
Zero Waste Project taslamasynyň üsti bilen Türkiýe galyndylaryň emele gelmeginiň sebäbini öwrenmek arkaly olaryň emele gelmeginiň öňüni almaklygy maksat edinýär, şeýdip hem 2030-njy ýyla çenli döwürde Durnukly ösüş babatynda Gün tertibini öňe sürmäge ýardam etmekligi maksat edinýär.
Nol galyndynyň pelsepesi adamyň işjeňliginiň ähli ugurlarynda galyndylary ýok etmeklige gönükdirilendir, DÖM-nyň ekologik jähtlerine ýetmek üçin sarp etmegiň modelleriniň üýtgedilip gurulmagydyr. Hususan-da, ol önümçiligiň we aşhanada sarp etmekligiň durnukly endikleriniň ösdürilmegini talap edýär.
Galyndysyz aşhana uzak wagtlaryň dowamynda türk aşhanasynyň aýrylmaz ugry bolmagynda galýar. Tebigy we organiki önümlerden taýýarlanan tagamlar, şeýle hem wegan we wegeterian aşhanasy eýýäm öňden bäri türk saçaklarynyň esasyny düzýär. Türk aşhanasynyň dürlüliginden her tagamda diýen ýaly boş sarp edilmeýän içine garylýan goşundylar ulanylýar. Meselem, könelen çörekden köp sanly tagamlar taýýarlanylýar. Galan palaw ýa çorba öwrülýär ýa-da ondan tüwi pirogy bişirilýär.
Galyndylaryň nol derejesine ýetilmegi ähli derejelerde hereketi talap edýär, ähli gyzyklanýan taraplaryň, şol sanda raýat jemgyýetçiliginiň, hususy pudagyň, ylmytoparlaryň wekilleriniň we ýaşlaryň goşulmagyny talap edýär.
ORIENT habarlar
