Türkmenistan Parižde geçiriljek Olimpiýa oýunlary üçin milli ýygyndylaryň ylmy esasly okuwlaryny geçirer

Mart 24, 2023 | 22:27 |9093

Türkmenistan 2024-nji ýylda Parižde geçiriljek XXXIII Tomusky Olimpiýa we XVII Tomusky Paralimpiýa Oýunlary üçin Türkmenistanyň milli ýygyndy toparlarynyň ylmy taýdan taýýarlyk okuwyny geçirer.

Prezidentimiz Serdar Berdimuhamedow anna güni bu barada karara gol çekdi. Resminama, Döwlet bedenterbiýe we sport komitetine oýunlara ylmy esasly taýýarlyk görmegi üpjün etmegi, şol sanda degişli edaralar bilen bilelikde ýörite maksatnama we ony durmuşa geçirmek üçin hereket meýilnamasyny taýýarlamagy göz öňünde tutýar.

Degişli ministrliklere we edaralara Döwlet bedenterbiýe we sport komitetine meýilleşdirilen maksatnama çärelerini ýerine ýetirmekde kömek bermek tabşyryldy.

ORIENT news