China daily: Hytaý Boaos Aziýa forumyna taýýar
28-nji martda Hytaýyň günortasyndaky Haýnan welaýatynda her ýylky geçirilýän 22-nji Boaos Aziýa forumy açylýar – diýip, China daily habar berýär.
Bu ýyl forum baryp gatnaşmak formatynda geçer. Eýýäm 40-a golaý ýurduň we sebitiň wekilleri çärä gatnaşýandygyny tassykladylar.
Bu forumyň çäklerinde iki sany uly sessiýany – erkin söwdanyň portlaryny ösdürmek boýunça Bütindünýä forumyny we «Haýnan dialogyny» geçirmek meýilleşdirilýär.
Sany boýunça üçünji gezek geçirilýän erkin söwdanyň portlaryny ösdürmek boýunça Bütindünýä forumy bütindünýä hyzmatdaşlygyny gurmak maksady bilen,Hytaýyň we daşary ýurduň erkin söwda zolaklaryny we portlaryny bileşdirmäge niýetlenendir.
29-njy martda geçiriljek «Haýnan dialogy» Hytaýyň Günorta-Gündogar Aziýanyň döwletleriniň Birleşmesi (АСЕАН) bilen oba hojalygy babatyndaky hyzmatdaşlygy we Haýnanyň erkin söwda portynda halkara senagat özara gatnaşyklaryny ösdürmäge bagyşlanar.
Gurnaýjylar ekologik taýdan arassa çäräni geçirmekligi maksat edindiler. Gatnaşyjylary daşamak üçin diňe energiýanyň gaýtadan dikeldilýän çeşmeleriniňesasynda işleýän ulag serişdeleri ulanylar. Her ýyl geçirilýän maslahatyň ähli binalary we desgalary hem energiýanyň gaýtadan dikeldilýän çeşmeleri bilen işlär.
Häzirki forumyň ýene-de bir täzeligi uglerody nol derejede çykarýan Boaos görkeziji zolagynyň gurluşygy bolar. Onda hödürlenen 16 taslama uglewodorod gazlarynyň atmosfera taşlanmagyny her ýylda 9 tonnadan gowrak kemeltmäge mümkinçilik berer.
Boaos Aziýa forumy 31-nji marta çenli dowam edýär.
ORIENT habarlar
