Arkadag şäherindäki esasy ýolbaşçylaryň atlary belli boldy
Arkadag şäherindäki dolandyryş ulgamynyň esasy wezipelerine bellenen täze ýolbaşçylaryň familiýalary we atlary türkmen hökümetiniň ýurduň kanun çykaryjylyk we wekilçilikli edaralarynyň bilelikdäkimejlisiniň barşynda aýdyldy.
Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçen mejlisiň barşynda Ahal welaýatynyň täze merkeziniň guramaçylyk meseleleri boýunça kanunçylyk taslamalaryň ýerine ýetiriliş meýilnamalaryna seredildi – diýip, TDH habar berýär.
Wise-premýerler saglygy goraýyş, bilim, medeniýet, ulag we kommunikasiýa ulgamynda, şeýle hem senagat, agrar we maliýe pudaklarynda wezipä bellenenleriň atlaryny aýtdylar.
Bulardan başga-da, partiýalaryň, jemgyýetçilik guramalaryň welaýat bölümlerinde we durmuş taýdan üpjünçilik düzümlerinde täze adamlar peýda boldular.
Türkmenistanyň Döwlet howpsuzlyk geňeşiniň agzalary täze şäheriň hukuk goraýjy edaralaryny dolandyrjak we kanunylygy we hukuk tertibini üpjün etjek resmi şahslaryň atlaryny aýtdylar.
ORIENT news
