Türkmenistanyň Daşary işler ministrliginiň sebit bölümlerinde konsullyk hyzmatlaryndan peýdalanmak bolar
Türkmenistanyň Daşary işler ministrligi tarapyndan tassyklanan maglumata görä, konsullyk hyzmatlary, şol sanda raýatlaryň daşary ýurtlarda ulanmak üçin resminamalaryny kanunlaşdyrmak işi Türkmenistanyň Daşary işler ministrliginiň merkezi edarasyndan daşary DIM-iň welaýat bölümlerinde hem amala aşyrylýar.
Türkmenistanyň DIM-iň resmi internet saýtynyň "Konsullyk işi" bölümindäki maglumata görä, häzirki wagtda konsullyk hyzmatlary Daşary işler ministrliginiň aşakdaky şäherlerde ýerleşýän wekilhanalarynda amala aşyrylýar:
Ahal welaýaty – Änew şäheri, Ahal köçesi, 15-nji jaý;
Balkan welaýaty – Türkmenbaşy şäheri, TKNPZ Medeni-sport toplumy (tel: 6-05-70, 6-05-71, 6-05-72);
Daşoguz welaýaty – Daşoguz şäheri, Türkmenbaşy şaýoly, jaý 10/1, (tel: 9-10-13, 53-79-65);
Lebap welaýaty - Türkmenabat şäheri, Görogly beg köçesi, 1-nji jaý;
Mary welaýaty – Mary şäheri, Watan köçesi, 31-nji jaý (häkimlik).
ORIENT news
