Türkmenistan Ukrainadaky çagalara ynsanperwer kömegini ugratdy
Mart 23, 2023 | 23:23 |9459
Türkmenistan Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan ukrain halkynyň çagalary üçin ynsanperwerlik kömegini iberdi. Bu barada Türkmenistanyň DIM-niň resmi metbugat gullugy habar berdi.
Maglumatlara görä, ýük 22-nji martda çarşenbe güni ugradyldy. Ukraina iberilen ynsanperwer kömegi derman serişdelerinden we lukmançylyk enjamlaryndan, dokma we dürli azyk önümlerinden ybaratdyr.
Ukrain halkynyň çagalary üçin Gurbanguly Berdimuhamedow adyndaky haýyr-sahawat gaznasynyň adyndan ynsanperwerlik kömegini ibermek boýunça buýruga Türkmenistanyň Prezidenti Serdar Berdimuhamedow geçen hepdede gol çekdi.
ORIENT news
